लालटिन

अँध्यारो रातमा आँखा देख्न नसक्ने एक जना सडकमा हिँडिरहेको थियो। उसको हातमा एउटा लालटिन थियो र टाउकोमा माटोको गाग्री।

बाटोमा एक बटुवाले सोध्यो, “ए मूर्ख, तेरो लागि के दिन, के रात। दुवै एउटै। अनि यो लालटिन तँ अन्धालाई चाहिया किन?”

उसले जवाफ दियो, “यो लालटिन मेरो लागि हैन तेरो लागि जरुरी छ। रातको अँध्यारोमा मसँग ठोक्किएर तैँले मेरो माटोको यो गाग्री फुटाउलास् भनेर।”

...............................................................................
लियो टल्सटायको कथाबाट अनुवाद
Source: mysansar.com